மனித உடலின் தோலில் ஏற்படும் அத்தனை பிரச்சினைகளைக்கும் படங்களுடன் தீர்வு சொல்லும் தளம்.

குழந்தைகள் முதல் பெரியவர்கள் வரை , ஆண்கள் முதல் பெண்கள் வரை அனைவரின் உடலில் ஏற்படும் பிரச்சினைகளுக்கு படங்களுடன் தெளிவான விளக்கம் அளிக்க ஒரு தளம் உள்ளது இதைப்பற்றித்தான் இந்தப்பதிவு.

படம் 1

பூமியில் ஆத்மா வசிக்க இறைவன் கொடுத்த அழகான வாடகை வீடான இந்த உடலில் தோலில் ஏற்படும் பல விதமான பிரச்சினைகள் பற்றி சரியாகத் தெரியாமல் நாளும் பெருமளவு பணத்தை வீண் செய்து கொண்டிருக்கிறோம், இனி நம் உடலின் தோலில் (Skin) ஏற்படும் அனைத்துவிதமான பிரச்சினைகளையும் படத்துடன் தெளிவான விளக்கம் கொடுக்க ஒரு தளம் உள்ளது.

இணையதள முகவரி : http://www.skinsight.com/skinConditionFinder.htm

ஆண்கள் முதல் பெண்கள் வரை அனைவரின் உடல் தோலில் ஏற்படும் பலவிதமான வித்தியாசமான பிரச்சினைகள் அனைத்தையும் இத்தளத்தில் இருந்து விளக்கமாக தெரிந்து கொள்ளலாம். படம் 1-ல் காட்டியபடி Step 1- ல் Age and Gender என்பதில் குழந்தையா அல்லது பெரியவர்களா என்பதை தேர்ந்தெடுக்க வேண்டும் அடுத்து  Select Body Location என்பதில் உடலின் எந்த பாகம் பாதிக்கப்பட்டு  இருக்கிறதோ அதைச் சொடுக்கி படம் 3-ல் காட்டியபடி Go என்ற பொத்தானை அழுத்த வேண்டும் அடுத்து வரும் திரையில் நாம் தேர்ந்தெடுத்த உடல் பாகத்தின் தோலில் ஏற்படும் பிரச்சினைகள் படங்களுடன் தெளிவாக நமக்கு காட்டப்படும். ஒவ்வொன்றையும் சொடுக்கி அந்த பிரச்சினைகள் மேலும் அறிந்து கொள்ளலாம், தோலில் பிரச்சினை உள்ளவர்கள் முதல் தோலில் நோய் வராமால் இருக்க என்ன நடவடிக்கை எடுக்க வேண்டும் என்ற எண்ணம் உள்ள அனைவருக்கும் இந்தப்பதிவு பயனுள்ளதாக இருக்கும்.

 

வின்மணி சிந்தனை
வரும் முன் நோய் வராமல் இருக்க விரும்புபவர்கள் முதலில்
உடலையும் உள்ளத்தையும் சுத்தமாக வைத்துக்கொள்ள வேண்டும்.

 

TNPSC  Questions  Group 1,Group 2,Group 3,Group 4
கடந்த ஐந்து வருடத்திலிருந்து வின்மணியால் தேர்ந்தெடுக்கப்பட்ட
வினாக்கள் மற்றும் பதில்கள்
1.தமிழ்நாட்டில் மத்திய புற்றுநோய் ஆராய்ச்சி நிலையம்
  உள்ள இடம் எது ?
2.மதுரையை ஆண்ட முதல் பெண் அரசி யார் ?
3.குந்தா நீர்மின் சக்தி திட்டம் உள்ள இடம் எது ? 
4.சோழ வம்சத்தின் கடைசி மன்னர் யார் ?
5.தமிழ்நாட்டின் முதல் பெண் IPS அதிகாரி ?
6.பாம்பன் பாலம் கட்டப்பட்ட ஆண்டு ?
7.கல்லனையை கட்டிய அரசர் யார் ?
8.தமிழகத்தின் நீளமான ஆறு எது ?
9.பெட்ரோலீயம் கிடைக்கும் டெல்டா பகுதி ?
10.காவேரி நதி நீர் உடன்பாடு நடந்த ஆண்டு  ?
பதில்கள்:
1.சென்னை, 2. ராணி மங்கம்மாள், 3.நீலகிரி,  4.மூன்றாம்
ராஜேந்திரன், 5.திலகவதி,6.1901 , 7.கரிகாற் சோழன்,
8.காவேரி, 9.காவேரி டெல்டா,10.1892.

 

இன்று ஜூன் 19

பெயர் : பிலைய்சு பாஸ்கல் ,
பிறந்த தேதி : ஜூன் 19, 1623
ஓரு பிரெஞ்சு கணிதவியலாளர்,இயற்பியலாளர்
மற்றும் சமய மெய்யியலாளர்.கணிப்பான்களின்
(calculators) உருவாக்கத்திலும் பாய்மவியல்
தொடர்பிலும் இவரது பங்களிப்பு குறிப்பிடத்தக்க
-தாகும்.இவர் நினைவாக இவரைப் பெருமைப்படுத்தும்
முகமாக அழுத்தத்தின் SI அலகும், கணினி மொழி
ஒன்றும் பாஸ்கல் எனப் பெயரிடப்பட்டுள்ளன.

PDF ஆக தறவிரக்க இங்கே சொடுக்கவும்