இணைய நண்பர்களுக்கான வின்மணியின் 500 வது நாள் மற்றும் 500 வது சிறப்பு பதிவு.

வின்மணி வலைப்பூ தொடங்கி இன்றோடு 500 வது நாள் மற்றும்
500 பதிவும் கூட, திரும்பி பார்ப்பதற்குள் 499 நாட்கள் ஓடிவிட்டது
தமிழில் கணினி மற்றும் தகவல் தொழில்நுட்ப தகவல்களுக்கு உலக
அளவில் பல்லாயிரக்கணக்கான வாசகர்கள் இருப்பது நமக்கு
பிரமிப்பையும் மகிழ்ச்சியையும் ஏற்படுத்துகிறது, எத்தனையோ
வாழ்த்துக்கள் , எத்தனையோ பாராட்டுக்கள் , எத்தனையோ பிழைகள்
என அனைத்தையும் சுட்டி காட்டி நாம் இந்த வெற்றியை
சுவைத்திருக்கிறோம் என்றால் இதற்கு எல்லாம் வல்ல
இறைவனின் ஆசியும், நம் இணைய நண்பர்களின் அன்பும் தான்
காரணம். உங்கள் அனைவருக்கும் நம் வின்மணியின் சார்பில்
எம் நெஞ்சார்ந்த நன்றியை  தெரிவித்துக்கொள்கிறேன்.

இணையதள பெயர் பதிவு ( Domainname Register), இணையதள
இடவசதி ( Webhosting ) மற்றும் இணையதள வடிவமைப்பு (Webhosting ),
இணையதள பாதுகாப்பு போன்ற அனைத்து தகவல்களையும் சேவையும்
அளிப்பதற்காக தமிழ் மொழியில் ஒரு தளம் வந்துள்ளது இதைப்
பற்றித்தான் இந்தப்பதிவு.

வின்மணியின் ” இணையதளம் உருவாக்க ” என்ற பகுதியின் மூலம்
நமக்கு வரும் கடிதங்களில் பெரும்பாலும் சொந்தமாக இணையதளம்
ஆரம்பிக்க எவ்வளவு செலவு ஆகும் ?,  எங்கு சென்று இணையதள
பெயர் பதிவு செய்ய வேண்டும் ?, இணையத இடம் மலிவு விலையில்
பலர் கொடுக்கின்றனரே அங்கு சென்று இணையதள இடம்
(Webhosting Space) வாங்கலாமா ? என்று இமெயில் மூலம் வரும்
பலவிதமான கேள்விகளுக்கு பதிலாக ஒரு தளம் உதவுகிறது.

இணையதள முகவரி : http://www.goolittle.com

வின்மணியின் சிறந்த சேவைக்கான மற்றும் ஒரு இணையதளம்
தான் இது. இணையதள பெயர் பதிவில் இருந்து  இணையதள
இடவசதி,இணையதள வடிவமைப்பு , இணையதள பாதுகாப்பு
போன்ற அனைத்து சேவைகளையும் இத்தளத்தில் இருந்து பெறலாம்.
எங்கோ உலகின் ஒரு ஓரத்தில் இருக்கும் நம் தமிழரின் தொழில்
மற்றும் சேவையை உலக அளவில் கொண்டு செல்ல வேண்டும்
என்ற நோக்கத்தில் உருவாக்கப்பட்டுள்ளது. அதிரடி விலை குறைப்பு,
ஒன்று வாங்கினால் மற்றொன்று இலவசம் என்று எந்த ஆசை
வார்த்தைகளையும் காட்டவில்லை சிறப்பான வாடிக்கையாளர்
சேவை என்பதை மட்டும் கருத்தில் கொண்டு செயல்படுகிறோம்.
ஏற்கனவே நம் சேவையை பயன்படுத்தியவர்களிடம்
விசாரியுங்கள்.  தனிநபர் இணையதளம், நிறுவனத்திற்கான
இணையதளம், சமூக சேவைக்கான இணையதளம் என்ற மூன்று
பகுதிகளாக இருக்கிறது இதில் வாடிக்கையாளர்கள் தங்களுக்கு
எந்த சேவை தேவையோ அதை தேர்ந்தெடுத்து பயன்படுத்தலாம்.
சிறிய அளவில் இணையதளம் ஆரம்பிக்க விரும்புபவர்கள்.
வருடத்திற்கு ரூ.3500 செலுத்தி தங்களுக்கென்று  சொந்தமாக
இணையதளம் ஆரம்பிக்கலாம்.

வின்மணி சிந்தனை
கடின உழைப்புக்கு பின் கிடைக்கும் வெற்றி எல்லையில்லா
மகிழ்ச்சியை மனிதனுக்கு கொடுக்கும்.

 

TNPSC  Questions  Group 1,Group 2,Group 3,Group 4
கடந்த ஐந்து வருடத்திலிருந்து வின்மணியால் தேர்ந்தெடுக்கப்பட்ட
வினாக்கள் மற்றும் பதில்கள்
1.எவையெல்லாம் நால்வகை சேனைகள்  ?
2.முத்தமிழ் என்றான் என்ன  ?
3.ஐவகை நிலங்கள் என்னென்ன  ?
4.இரட்டை காப்பியங்கள் என்னென்ன ?   
5.நால்வகை பெண்டிர் குணம் என்னென்ன ?
6.முத்தமிழ் காப்பியம் என்று எது அழைக்கப்படுகிறது ? 
7.நால்வகை வேதங்கள் என்னென்ன ?
8.திரிகடுகம் என்னென்ன ?
9.நால்வகை புண்ணியம் எது ?
10.திரிபலா என்றால் என்னென்ன ?
பதில்கள்:
1.தேர்,யானை,குதிரை,காலாள்,2.இயல், இசை, நாடகம்,
3.குறிஞ்சி, முல்லை, மருதம்,நெய்தல், பாலை, 
4.சிலப்பதிகாரம், மணிமேகலை,5.அச்சம்,மடம், நாணம்,
பயிற்பு,6.சிலப்பதிகாரம்,7.ரிக்,யஜூர், சாமம், அதர்வணம் ,
8.சுக்கு,மிளகு, திப்பிலி,9.தானம், கல்வி,தவம்,ஒழுக்கம்,
10.கடுக்காய், தான்றிக்காய் , நெல்லிக்காய்.

 

இன்று ஏப்ரல் 27 

பெயர் : வலேரி பொல்யாக்கொவ் 
பிறந்த தேதி : ஏப்ரல் 27, 1942
ஒரு ரஷ்ய விண்வெளி வீரர ஆவார்.
மனித விண்வெளி வரலாற்றில் இவரே
அதிக நாட்கள் விண்வெளியில் இருந்தவர்
மீர் விண்கலத்தில் மருத்துவ விண்வெளிவீரராக
14 மாதங்களுக்கு மேலாக ஒரே பயணத்தில்
14 மாதங்களுக்கு மேலாக விண்ணில் காலம்
கழித்து சாதனை புரிந்தார். இவரது மொத்த
விண்வெளிக் காலம் 22 மாதங்களாகும்.

PDF ஆக தரவிரக்க இங்கே சொடுக்கவும்

———————————————————
வின்மணியின் 500 வது பதிவுக்கு அலைபேசி மூலமும் இமெயில் மூலமும் வாழ்த்து தெரிவித்த உலகமெங்கும் உள்ள நம் அனைத்து நண்பர்களுக்கும் நன்றியை தெரிவித்துக் கொள்கிறோம். இமெயில் மூலம் நமக்கு கிடைக்கப்பெற்ற வாழ்த்துச் செய்தியை அப்படியே உங்களுடன் பகிர்ந்துகொள்கிறோம்.

வின்மணி ஆங்கிலத்தில் “வின்” என்றால் வெற்றி!
தமிழில் விண் என்றால் வானம்!
வின்மணி ஒரு வெற்றிகரமான இணையத்தளம்!

இணையத்தில் உலவுவோர் எல்லா விதயங்களையும் உள்வாங்கிக்கொள்ள இயலாது.

இணையம் ஒரு கடல்! அந்தக் கடலில் மூழ்கி முத்தெடுப்பது என்பது எல்லோருக்கும் எளிதில் வசப்பட்டுவிடுவது இல்லை;இதோ வானம் எனக்கு வசப்படுகிறது! இதோ இணையக்கடலில் மூழ்கி முத்தெடுத்து விட்டேன்; பிடியுங்கள் என்று ஒவ்வொரு நாளும் அமுதசுரபியாய் இணைய‌ நண்பர்களுக்கு தான் மூழ்கி எடுத்த முத்தை வாரிவழங்கி மகிழ்கிறார்,தம்பி நாகமணி. இணையம் தந்த இனிய நட்புகளில் தம்பி நாகமணி கிடைத்தமைக்காக என் இதயம் மகிழ்ச்சிப்பூக்களால் நிரம்பி வழிகிறது. ஒவ்வொரு நாளும் புதுப்புதுச் செய்திகளை, தகவல்களைத் தவறாமல் தந்து பரவசப்படும் தம்பி நாகமணியின் பணி சிறக்க இந்த 500 வதுநாளில் வாயாற,உளமாற வாழ்த்துவதில் உவப்பெய்துகிறேன்.
தொடர்க நும் பணி!
வெல்க‌
நாகமணியின் “வின்மணி”
மிக்க‌ அன்புட‌ன்,
ஆல்ப‌ர்ட்,
விச்கான்சின்,
அமெரிக்கா.
——————————————-
அன்பு திரு நாகமணி (வின்மணி),

தங்களின் வின்மணிப் பதிவுகள் 500 வது நாளை எட்டுவது பெரிதல்ல. பயனுள்ள தகவல்களைத் தங்களின் அனைத்து பதிவுகளிலும் தந்தது தான் உங்களின் சாதனை. இளைஞர்களுக்கு, கற்பவர்களுக்குக் கற்கக் கொடுத்து நீங்களும் கற்றுக் கொள்ளும் முயற்சிக்கு என் மனநிறை வாழ்த்துக்களும் பாராட்டுக்களும்.தளராமல் தொடருங்கள் உங்கள் பணியை.

நல்ல நலத்துடன் வாழ்க பல்லாண்டு.

மிக்க அன்புடன்
பெ.சந்திர போஸ்
சென்னை.

———————————————-

உலகமெங்கும் ஊடுருவிக்கொண்டிருக்கும் வின்மணியின் இணையசேவை தன் ஐநூறாவது பதிவை நெருங்கி குறிப்பிடத்தக்க வலைத்தளம் என்ற பெருமையோடு பல்லாயிரக்கணக்கான  மனங்களை தொட்டுக் கொண்டிருக்கும் இந்த வேளையில் வின்மணிக்கு எங்களது மனமார்ந்த வாழ்த்துகளை தெரிவித்துக்கொள்கிறோம்.  வின்மணியின் இலக்கு இன்னும் பல படைப்புகளாலும், சேவைகளாலும் பலகோடி மனங்களை தொட்டு விண்ணையும் தாண்டிச்செல்ல வாழ்த்துகிறேன்.

By, Alwin sam
Life Direction Network

———————————————–

வின்மணி வழியாக பலரின் வாழ்விற்கு வளமையும் பொருளும் சேர்துள்ளிர்கள். மிகவும் பயனுள்ள தகவல்களை இடைவிடாமல் தந்து மக்கள் பாதையை வெளிச்சப்படுதுகிறீர்கள். இமாலயப் பனி செய்யும் தங்களை பணி சிறப்புற அன்புடன் வாழ்த்துகிறேன் . தொடரட்டும் உங்கள் தொய்வற்ற ஈடிணையற்ற இணையப் பணி.
அன்புடன் சுதாகர்

—————————————————————

உங்கள்  சேவை எங்களுக்கு தேவை …..மென்மேலும்  உங்கள் தளம் இன்னும் சிறப்புடன் பணி புரிய மனமார வாழ்த்துகிறேன் …உங்கள் தச்சை கண்ணன் ..

—————————————————————

500வது நாள் 500வது பதிவை வெளியிடும் அன்பு நண்பர் வின்மணிக்கு தமிழ்க்குறிஞ்சியின் அன்பான வாழ்த்துக்கள். தொடர்ந்து 500 நாட்கள் 500 பதிவுகள் அதுவும் பயனுள்ள தகவல்கள் அடங்கிய தொழில்நுட்பப் பதிவுகள். வின்மணியின் விடாமுயற்சியை பாராட்ட வார்த்தைகளில்லை. வெறும் பதிவுகள் மட்டுமில்லாமல் பொது அறிவுக் கேள்விகள், வின்மணி சிந்தனை,  இந்தநாள் பிறந்த அல்லது இறந்த புகழ் பெற்ற மனிதர்கள் பற்றிய தகவல்கள் என்று வெறும் வலைப்பூவாக இல்லாமல் “வின்மணி” ஒரு பொது அறிவுக்களஞ்சியமாகவே இருக்கிறது. அரட்டை, அரசியல், சினிமா என்று ஆயிரக்கணக்கான வலைப்பூக்களுக்கு மத்தியில் குறிஞ்சிப்பூவாய் மலரும் வின்மணியின் இப்பணி மேன்மேலும் தொடர வாழ்த்துகிறோம்.

அன்புடன்,
செந்தில்ராஜ்
tamilkurinji.com

——————————————————————-
என் இதையம் கனிந்த நல்வாழ்த்துக்கள் .
என்றும் அன்புடன்
சிவக்குமார் , ஸ்ரீ கம்யூனிகேசன்.
——————————————————–

நிலவும் ஒருநாள் உலவாமல் தூங்கும்
உலகும் சிலநாளந்(த) ஆதவனுக்(கு) ஏங்கும்;ஏன்
விண்ணுக்கும் உண்டாம் விடுமுறை: எங்களின்
வின்மணிக்(கு) இல்லையாம் அது

தினமோர் வழிகாட்டும் ’சில்’நுட்பத் தூதா;
உனக்கு வாழ்த்தெல்லாம் தூசு

என்றும் அன்புடன்
துரை
குழுமம்:’தமிழ்த்தென்றல்’

—————————————————————

தொழில்நுட்ப தகவல்களை அள்ளித்தரும் அட்சய பாத்திரம் விளங்கும் சகோ. வின்மணி  அவர்களின் வலைப்பூவில் ஒவ்வொரு பதிவிலும் உடன் வழங்கும் பொது அறிவுத்தகவல்கள் இன்னமும் ஒரு தகவல் சுரங்கம். அவரின் அட்சயப்பாத்திரத்தில் அளப்பரிய தகவல்களை அள்ளிப்பருகுபவர்களில் ஒருவனாக அடியேனும் இருப்பது எனக்கு பெருமையான ஒன்று.

செல்வ.முரளி
Visual Media Technologies
————————————————————-

எனது வலைப்பூவின் வாசகராக, மின்னஞ்சல் மூலம் எனக்கு அறிமுகமானவர்தான் திரு.நாகமணி அவர்கள்.ஆரம்பகாலத்தில் என்னுடைய வலைப் பதிவினை கையாளுவதில் இருந்த பல சிரமங்களை களைந்திட பல ஆலோசனைகளையும், தீர்வினையும் அறியத் தந்தவர். இனிய நண்பர். இவர் தற்போது தனது நுட்ப வலைத் தளமான “வின்மணி” ல், ஐநூறாவது பதிவினை பூர்த்தி செய்திருக்கிறார் என்பது மிகவும் மகிழ்சியான செய்தி. ஏனெனில் தான் சார்ந்த கணினி துறை தொடர்பாக வெளியாகும் செய்திகளை உடனுக்குடன் எளிய தமிழில் அனைவரும் புரிந்து பயன் படுத்திடும் வகையில், சுவாரசியமான எழுத்து நடையில் அறியத் தரும் மேலான பணியினை செய்து வருகிறார். அன்னாரின் பணிகள் மேலும் சிறந்து பல நூறு தொழில்நுட்ப பதிவுகளை தமிழ் கூறும் நல்லுலகத்திற்கு தரும் வகையில் அவரது பயணம் தொடர எனது மனமார்ந்த வாழ்த்துக்களை தெரிவித்துக் கொள்கிறேன்.

—
என்றும் நட்புடன்,
தோழி.
siththarkal.blogspot.com
thamilarjothidam.blogspot.com
thangaththamil.blogspot.com

—————————————————-